Yadındadır, sənə həmişə deyirdim mənim bəxtim yoxdur, sənsə yox,ən şanslı insan sənsən deyirdin.

…amma hər dəfəsində sənə izah edə bilmirdim ki,əslində şans bu deyil …

Yadındadır,bir dəfə kart oynayırdıq səninlə.

Hərdən telefonla danışır kimi edirdim ki,guya görmürəm,sən kartları dəyişəsən və özünə sərf edən formada udasan məni.

…amma bütün bunlara baxmayaraq mən udardım,hər dəfə tuzlar mənə gələrdi.

Sənsə deyərdin:

-Aydaa,necə bəxtin vareee, tuzlar da sənə gəlir,dünyanın ən yaraşıqlı qızı da sənindir!

…amma hər dəfə sənə izah etməyə çalışırdım ki,mənim bəxtim yoxdur.

Yadındadır,bir dəfə nərd oynayırdıq həyətdə agacın altında.

Hərdən teelfonla danışır kimi edirdim ki,guya görmürəm sən daşları dəyişəsən , əllərinlə zəri duzəldib qoyasan.

…amma yenə də udan mən olurdum və həmişə qoşalar mənə gəlirdi.

Sənsə deyridin:

-Aydaa,necə bəxtin varee,qoşalar da sənə gəlir,dünyanın ən baxımlı qızı da sənindir!

…amma hər dəfə sənə izah etməyə çalışırdım ki,mənim bəxtim yoxdur.

Yadındadır bir dəfə yolda gedəndə yapışdın ki,ailə sevinci alaq.

Mən seçdiyimi sənə,sən seçdiyini mənə verdin.Sonra yolda dəyişdin ki, eee mən öz aldığımı istəyirəm.Sən öz aldığına bax, udacağam dedin.

…amma həmin gün pulu mən udmuşdum,sənə bir sep almışdım üstündə ürək olan.

Sənsə dedin:

-Aydaa,necə bəxtin varee,pulu da sən uddun,dünyanın ən şirin qızı da sənindir!

…amma hər dəfə sənə izah etməyə çalışırdım ki,mənim bəxtim yoxdur.

Yadındadır bir dəfə incmişdin məndən,mənsə könlünü almaq üçün dedim kinoya gedək.

Sənsə getmirəm dedin,sonunda şərt qoydun ki,əlimdə kağızı gizlədəcəyəm,tapsan hansı əlimdədir gedəcəyəm.

Mən tapdım,sənsə dedin:

-Aydaa,necə bəxtin varee, kağızı da tapdın,dünyanın ən gözəl qizı da sənindir!

…amma hər dəfə sənə izah etməyə çalışırdım ki,mənim bəxtim yoxdur.

Yadındadır,2 dənə dibçəkdə gül almışdıq evdə baxacayıq deyə.

1 həftə  sonra sənin gülün soldu,mənimki isə qaldı.

Sənsə gülə yaxşı baxmadığındansa mənə dedin:

-Aydaaa bəxtin varee, solmayan gül də sənə düşdü,dünyanın gül kimi qızı da sənindir.

O gündən 3 il keçdi.

Yoxsan daha yanımda,hətta son 1 ildə harda olduğundan xəbərim yoxdur.

Bu yazını qarşımda dayanan gülə, yanımda olan zərə,karta baxaraq yazıram.

Mən o zərləri də,o kartları da saxlayıram,ən əsası isə o gülü solmağa qoymuram.

Amma səninlə bərabər olduğum anlarda sənə demək istədiyim bir söz vardı…

Hər zaman deyərdim mənim bəxtim yoxdur deyə,sənsə inanmazdın.

Bax onu bu gunlər üçün deyirdim.

Mənim bəxtim yoxdur,çünki mənə bu tip hadisələrdə udmaq yox,Sevgidə udmaq lazım idi.

Mənə sevgidə bəxtimin gətiriməsi lazım idi.

Oysa bax... nələr udmadım,nələr qazanmadım,amma ən əsas olanı itirdim.

Sənin dilindən desək dünyanın ən gözəl,ən şirin,gül kimi qızını əldə edə bilmədim.

Əzizim, mənim hər şeydə bəxtim gətirdi,amma Sevgidə gətirmədi!

P.S Yazı tamamilə mənə aiddir! Heç bir sayta qoyulmasın! (Tural Isayev)