Mən sevgililər gününü heç yaşamadım, sadəcə bu dəfə, bu dəfə yaşayacağımı sandım, amma yenə də yalnızam... Bu dəfə səbəb sən oldun, bəlkə sənin üçün bu günün elədə önəmi yox idi, amma mənim üçün çox önəmli bir gün idi, sənə hədiyyə belə almışdım, amma hədiyyən hələ də məndədir, almadın o hədiyyəni məndən...

Bugün nə etdiyimi bilirsən? Bu gün hər zaman görüşdüyümüz yerə getdim, hər zamanki məkana... Sanki sən yanımda varmışsan kimi hər zaman oturduğumuz yerdə oturdum, xəyala daldım, səni gözlədim, gəlməyəcəyini bilə-bilə, amma inan ki xəyal etmək də bəs etdi mənə...

Bugün sevgililəri seyr etdim, əl-ələ gəzən sevgililəri, göz-gözə baxan sevgililəri, qucaqlaşan sevgililəri, eynən bizim kimi... Mənim paxıl birisi olmadığımı sən də bilirsən, amma onları seyr etdikdə paxıllığım tutdu, həqiqətən... Elə həsrətlə baxdım ki başa sala bilmərəm... Gedib onlara demək istədim ki mənim yalnız olduğumu sanmayın, MƏNİM DƏ SEVGİLİM VAR!!!

Sevgililər günüdür və mən siqaret əlimdə, musiqi dinləyərək səni düşünürəm, bu gün darıxdığım qədər heç vaxt darıxmamışdım...

Bax, mənim sevgililər günüm belə keçdi, xəyal edərək, düşünərək, darıxaraq, boş divarlara baxaraq, səni axtararaq... Bu günü də mənə çox gördün, bu gün etdiyim kimi heç vaxt ümid etməmişdim, ama ümidimi yenə də qırdın, gəlmədin... Ama bunu deyim sənə, heç bir günü yox, sadəcə bu günü itirdiyin üçün çox peşman olacaqsan, çünki bu gün bizim son şansımız idi, son ümidimiz idi, amma onu da itirdin...

Yazı SƏNƏ aiddir...