Sən Məni sevməsən də olar: Mənə ilk sevgi hissini yaşatdın, ürəyim sənin sevginlə gündən günə böyüdü, gündən günə əl çatmaz oldu, ürəyimi böyüdüb getdiyin üçün çox sağol...

Sən Mənim üçün darıxmasan da olar: Mən səndən əvvəl də darıxırdım, səndən sonra da darıxacam, mən dəyişmədim, hər zamanki darıxan birisi oldum yenə də, məni yenidən darıxdırdığın üçün çox sağol...

Sən Məndən yan keçsən də olar: Hər zaman yan keçən məndən yan keçdiyin üçün səni təqdir edirəm, heç kim başara bilməzdi bunu, sən başardın, sənə yan keçməyi öyrətdiyim üçün mənə çox sağol de...

Sən Mənsiz deyib gülsən də olar: Çünki gülmək sənə çox yaraşır.......
Hər zaman gül, həyat sənə gülməsə də sən həyata gülümsə, çünki həyata gülmək yaraşmır... Qoy həyat ağlamağında olsun, ama sən inadına gül!!!

Sən Məni incitsən də olar: İnsan ürəyi inciyərək, acı çəkərək böyüyür... İnsan acı çəkərək həyatı öyrənir, həyatı qavrayır... Acı çəkmək də bir sənətdir, bu sənəti mənə öyrətdiyin üçün çox sağol...

Sən Məni unutsan da olar: Səninlə tamam başqa bir həyat idik, tamam başqa insanlar idik, öz aləmimiz var idi... Bu gözəl günləri, bu gözəl anları unudan tərəf ilk öncə özünü unutmuşdur... Özünü unutduğun üçün çox üzülürəm...

Sən Məndən nifrət etsən də olar: Hər ayrılığın sonu ya xəyal olur ya da nifrət, ikincisini seçdin, yaxşı etdin... Məni xəyal edərək yaşamanı istəmərəm, acı çəkməni istəmərəm, sən məni nə qədər incitsən də, mənə nə qədər əzab versən də mən səni incidə bilmərəm, sən mənə qıysan da mən sənə qıya bilmərəm... Ama bütün bunlara baxmadan məndən nifrət etmənə inana bilmədim. Ona görə məndən nifrət etdiyini gözlərimə baxaraq deməni istəyirəm, gözlərimə baxaraq ''Nifrət edirəm səndən'' deməni istəyirəm, bax o zaman inanaram sənə, o zaman deyərəm çox sağol... Çünki bir zamanlar mənim olan o gözlərin mənim gözlərimə baxa-baxa yalan deməsinə inanmaram...