TURAL
Mix.aZ-ı açmaqda məqsədimiz onu 1 nömrəli sayt etmək olub və hesab edirəm buna nail olmuşuq. Bu gün mix.az demək onu sevənlərlə böyük bir məkanı paylaşmaq deməkdir.Bu gün mix.az demək arzuların istəklərin bir arada olması deməkdir.Bu gün mix.az yaşından asılı olmayaraq hər kəsi məlumatlandırmaq deməkdir.
Mix.Az-da hər günüm sevinclidir amma 1 günüm cox kədərli oldu. 2005-ci ildə mix.azı açdıq 2006-da ad günü edəcəkdik. 1 yaşımızı qeyd edək. cünki 1 yaşımıza qədər cox böyük uğur əldə etmişdik. Bu uğuru indi hec bir sayt bir ildə əldə etməzdi. Düz 15 gün qalmış host satan oğlanın günahı üstündə bütün mix.az silindi.Hər şey getdi bizdə o vaxtı bazanı götürməmişdik. AzeriFire ile düşündük. yenidən sayt açıb qaldıra bilərik yoxsa daha bu işi ataq.Bəsdir artıq. Nə isə qərar verib yenidən başlatdıq saytı hamı 2006-dan sonra qeydiyata keçməyə başladı. Elə o gündən sonra qeydiyyat dayanmadan artıq 100.000 olduqdan sonra qərara gəldik ki, daha artdıqca köhnə userləri silək. kim girmirsə nicklərini silək ki,həmin nickləri yenidən istifadə edə bilsinlər. indi 180.000 istifadəçi var saytda biz isə silib 100.000 edirik.
Evlənəcəyim gün yeginki saytdan gedəceyim gün olacaq. Əlbətdə mən də unudulacağam əgər mən gedəndən sonra sayta yeni userlər gələcəksə.Amma köhnələr məni unutmaz. Həm pis admin olduğum üçün unutmazlar bir də belə admin görməzlər ,həm də movzularıma görə. Cünki daim fərqli motivdə yazmağa çalışmışam ki, sıradan biri olmayım. Məncə yadda qalacağam,cünki bəzi işlətdiyim sözlər varki onlar daim işlədiləcək. “Seriala baxan qızlar”, “Nağıl danışan qızlar”, “ayran,fanta,cola çay soda su?”, “ Qız qalasının ünvanı”, “bmw sevgisi”, “şəklini ver kilsəyə qoyub qabağına şam düzüb dua edək” kimi sözlər və eyni zamanda imzalarımda yazdığım özümə aid cümlələrə görə daim xatırlanacağam. Unudulmaqdan qorxmuram cünki bir yerdən gedirəmsə demək ki o yerə artıq girmək istəmirəm demək ki o yerində məni unutması normaldır.
Mix.azlılara demək istəyirəm ki, kimsə deyir e mən saytdan getdim mən sizi əmin edə bilərəmki hec kim gedib eləmir. əgər həmin şəxs həqiqətən internetə girirsə , o mütləq hər gün girib sayta baxır və ya başqa nicklə girir sayta. Cünki mix.az elə bir məkandır ki ,kimsə sizi atıb gedə bilmir.
Sonda isə Mix.azlılara onu demək istəyirəm ki,
Hər kəs bir gün layiq olduğu statusu əldə edəcək. kimisi tez, kimisi gec sadəcə zamanını gözləmək lazımdır.
ZDENKO
Mix.az mənim üçün əyləncədir. Burda zamanın necə keçdiyini bilmirəm. Mənə xoş olmayan yerdə heç vaxt qalmaram və heç kim də məcbur edə bilməz. Yalnız özüm xoşlandığım və özüm istədiyim üçün sayta gəlirəm. Əlbəttə məsuliyyət hiss edirəm. 1 gün olmayanda düşünürəm nə kimi xəbərlər var? Çat gedir ya yox=)) sp-de problem yoxdur ki?-bu suallar məni tərk etmir. Mix haqda düşüncəm yalnız müsbətdir. Ən azı onu qeyd edim ki, mən rus-sektoru oxumuşam. Yeni redaktor olduğum vaxtlarda yalnız xəbərləri tərcümə edirdim, xarici saytlardan və elə yerləşdirirdim. Mənim üçün ən asandı o idi. Sonra qarşıma məqsəd qoydum ki, hər gün müzakirə ediləcək mövzülar yazacam və özüm. Heç bir mənbəyə istinad etmədən. Belə yavaş-yavaş öyrəndim. Gündəlik bütün mövzüları özüm yazdım. Sonra fərqli yazmağa çalışdım və mənə aid olduğunu qeyd etdim. Gördüyüm və duyduğum qədəri ilə də pis alınmayıb)
Ən yadda qalan günüm 1 il bundan öncə redaktor olduğum və 8 martda admin olduğum gündür. Sonuncu şərhlərə baxanda statusumun Bronze-dan Redaktora çevrildiyini gördüm. İlk işlətdiyim kəlimə : “Ohooo” oldu=) Redaktor olacağımı 2-3 gün öncə bilirdim. Ancaq həmin an mixdə şərh yazırdım heç gözləmirdim belə olacağını. Gördüm və sevindim. Pis də olub əlbəttə ki, elə şey ola bilməz ki, 2 il mixdə olduğum müddətdə pis günlərim olmasın. Ancaq mən unutmuşam. Bu haqda da danışmaq istəmirəm. Qaraladığım səhifələri yenidən ağlamaya köçürdə bilmərəm.
Sadəcə onu demək istəyirəm ki, mənim inamım və saflığımdan çox istifadə edilib. Kiməsə inanıb nəsə demişəm ancaq səhəri tam əksi ilə qarşılaşmışam. Xatırlamıram ki, indiyənəcən kiməsə nəsə pislik etməyə çalışım və ya kobudluq edim, hörmətsizlik edim. Heç vaxt etməmişəm. Ancaq təəssüf ki, mixdə bunları gördüm. Ancaq mix mənə gözü açıq olmağı, güvən hissinin nə qədər önəmli olduğunu öyrətdi. Artıq daha diqqətli və ehtiyatlı davranıram.
Artıq qeyd etdiyim kimi 2 ildir sizlərnənəm. Ancaq tam 1 ildir ki, redaktoram. Bəlkə bu xəbər aktiv olunan vaxt mən gedəcəm, artıq sizlərlə olmayacam. Nə bilmək olar) Yanvar ayı mixdə sonuncu ayımdır. Məncə yetərincə sizlərlə oldum. 2 il yetər. Mənə yaxın olan kəslərlə onsuz hər zaman olacam. Ancaq sizləri də heç bir zaman unutmayacam. Getməliyəm çünki gələcəyim bunu tələb edir. Yadda hər halda xəbərlərim, avatarlarım və danışığm ilə qalaram. “ Nöş, gediceyem, gəliceyem” kəlimələri başımı çox ağrıtdı=). Ancaq olduğum kimi davranıram mixdə də bunu dəyişə bilmərəm. artıq bu danışığa öyrəşmişəm. Avatarlarımda kı, sizlərə qoyub gedəcəm. Mənim üçün xoşdur həqiqətən bilmək ki, avatarlarım göz oxşayır,kimlərsə tərəfindən save edilir. Yox unudulmaqdan qorxmuram. Hər halda düşünürəm ki, unudulmaram. Az müddət sizlərlə olmamışam.
Demək istəyirəm ki, hamınızı çox istəyirəm. Unutmasınlar ki, onlar ən fərqli saytın istifadəçiləridir, demək ki, onlar da seçilmişlərdəndir...
AZE_GİRL
İlk əvvəllər Mix.aza gələndə sadəcə əylənmək üçün, mənə maraqlı olan xəbərləri oxuyub fikirlərimi bildirmək üçün gəlirdim.Günlərin bir günü xəbər göndərmək qərarına gəldim və bu xəbər hər kəsin marağına səbəb oldu.Sonra isə davam etdim.Aktiv olduqca daha çoxunu etdim.Etdikcə zəhmətim dəyərləndirilirdi.O zamanlar saytın marağı, istifadəçilərdə bambaşqa idi.Zaman keçdi Mix.az artıq əylənmək üçün, vaxtımı gözəl keçirmək üçün gəldiyim bir sayt olmaqla yanaşı həyatımdan bir parçaya çevrildi.Artıq mənim üçün internet Mix.aza daxil olmaq anlamını verməyə başladı.İndinin özündədə internetə daxil olduğum zaman ilk açdığım sayt Mix.azdır.Mix.azda zamanın necə keçdiyini bilmək olmur.Çox güman ki, hər zaman işləməyə bir şey tapdığımdan irəli gəlir.Redaktor olduqdan sonra artıq məsuliyyət hiss edirsən, xəbərlərə cavabdeh olursan.Əyləncə, vaxtını sadəcə özünə ayırmaq ikinci plana keçir.
Mix.azda yadda qalan günlər çox olub.Hər günün özünə məxsus gözəlliyi olub.Mix.azda gözəl insanlar tanıdım , dostlar qazandım, ən əsası özümü sübut etməyi bacardım.Ancaq ən yadda qalan günüm redaktor olduğum gün olub.Qeydiyyatımdan 2 ay sonra redaktor oldum.Çox tez bir zamanda əlçatmaz hesab etdiyim statusu əldə etdim.Çünki o zamanlar redaktor olmaq həqiqətən də, çox çətin idi.Mən həqiqətən də, çox şanslıyam ki, çox gözəl kollektivlə birgə işləmək şansı mənə qismət oldu.Hər kəs çox mehriban, bir-birinə daima kömək edərdi.Əlimdən gələni edirdim.Çünki kollektivdən özümü çox geridə görürdüm.Mənim fikrimdə onlar məndən çox öndə idilər.Onlara çatmaq istəyirdim ona görədə əlimdən gələni edirdim.Hər dəfə adminkada Turalın Aze_girl tak derjat sözü mənə güc verirdi.
Əvvəl ki, mix.az istifadəçiləri ilə indi ki, mix.az istifadəçiləri arasında çox fərq var.O zamanlar hər kəs daha bağlı, daha isti münasibətdə idisə indi soyuqluq daha çoxdur.
Tam səmimi ona deyə bilərəm ki, hər kəsin yazdığı şərhlərə son dərəcə diqqət edirəm.Elə günlər olur ki, istifadəçiləri günlərə bölürəm.Nizamlamalarına daxil olub şərhlərini oxuyuram.Bəzən saatlarımı itiriəm bununla ancaq buna baxmayaraq həmin insanın psxologiyasını müəyyən edirəm.Necə biri olduğuna dair məndə fikirlər yaranır.
Bəli bir gün vaxt gələcək məndə gedəcəm.O günün nə zaman olduğunu hələ ki, bilmirəm.Məni xatırladan şəkli məhz onun üçün seçmişəm:))Sadəcə onu bilirəm ki, gec tez o gün yaşanacaq.Mənim necə yadda qalacağımız isə mən deyə bilmərəm.Müğənni olsaydım deyərdim ki, bunu xalq deyə bilər:)))
Ümumiyyətlə biz insanlar unutmağı çox asanlıqla bacarırıq.Sadəcə zamanın keçməsi bizə bəs edir.İndiyənə kimi bizi tərk edən bir zamanlar təriflədiyimiz insanların hansını unutmamışıq ki, başqalarınıda unutmayaq?Unudulmaqdan qorxmuram çünki indiyənə kimi nə etmişəmsə bunu göstəriş üçün yaxudda yadda qalmaq üçün etməmişəm.Sadəcə içdən gəldiyi üçün etmişəm.
Hər zaman Mix.azla olun, fikrilərinizi çəkinmədən dilə gətirin, səmimi olun.
ASƏF
Mix.aZ-dan ilk əvvəllər zəhləm gedirdi nədənsə. Sonra qaynayıb-qarışdım. Sadəcə olaraq hobbi kimi baxıram. Həm işlərində məsuliyyətin nə olduğunu anladır, həm də vaxtını gözəl keçirməyinə kömək olur.
Bir növ adamın dünya görüşünü artırır. 1 il əvvəllki Asəflə indki Asəf arasında çox fərq var. Bir növ cəmiyyət kimi bir şeydir. Əsl üzlərin nə olduğunu, nəyin pis nəyin yaxşı olduğunu dərk edirsən.
Bir şeyidə yaxşıdır ki, avaraçılıqdan qurtarır adamı :) Demək olar ki, ancaq evdəyəm mən. Çoxdandır ki, yoldaşlarımı görə bilmirəm. Onlarda bilirlər ki, mix.az-da oluram.
Evdə isə neçə dəfə istəyiblər qovsunlar bayıra alınmayıb :)Deyirəm dərs oxuyuram :)
Ən yadda qalanı gunlerim çox olub. Bir gün bir dəfə gecə saat 2 olardı. Yorğun və yuxulu idim. Xəbər hazırlayırdım özüm üçün. Və Turalın redaktor təklifi pmi həm məni sevindirdi həm də bir səbəbdən üzüldüm. O da ki, keçdi getdi və rahatlandım. Demək olar ki, indi çox mutluyum türklər demişkən :)
Sonra ban olub stasusum alınan gün :)) Aprelin 24 olmuşdu :) səhər isə ad günüm olacaq idi. Tural mənə vətən xaini demişdi onda :)) Barmaq izlərini götürüb araşdırmadan sonra bəlli oldu ki, yalan söhbət imiş. Ban olunan yeganə redaktor :))
Platinum olmam və kimsəsə briliant vermək imkanı. Çox gözlənilməz olmuşdu.
Daha nə deyim. O qədər xoş anlar olub ki... xeyriyyələr party gəzməklər. Çox şey
Qabaq lap təzəlikdə elə bilirdim ki, online olmaq aktivlik deməkdir :)) Girirdim sayta saxlayıb gedib yatırdım:)) sonra deyinirdim ki, bəs niyə stasus vermirlər :))) Sonra bir kitab var idi maraqlı məlumatlar oturdum onu yazdım kamputerər və hissə-hissə gonderdim sayta. Ana şəkili həmişə yekə qoyurdum maksimum 1200x1200 :))) xəbərlər aktiv olduqca həvəslənirdim. Fevral ayından aktiv oldum. Redaktor olana qədər Top 10da hər ay olmuşam və 115 aktiv, bazada isə 50 gözləmə xəbəri olmaqla rekordumu vurdum.Bir növ cox şad oldum.
Bir şeyidə etiraf edim ki, Platinum mənə görə hamısından ən gözəl stasusdur :)
Getmək fikirim yoxdur :)) Bilmək olmaz. O ki, qaldı yaddaşlarda nə ilə onu bilirəm ki, nikimlə yaddaşlarda qalacam :) Qalanı isə hər kəsin düşüncə tərzi müxtəlifdir. Onu bilmirəm.
Mənə yetər ki, mix.az-ın inkişaf yolunda izim olsun bəs edər.
Biz görünüşcə fərqli ola bilərik. Amma ürəklərdə bir məqsəd var. O da Mix.aZ sevgisi.
Miss_Skazochka
Mix.Az mənə məsuliyyətli olmağı öyrətdi. Mix artıq həyatımın bir hissəsinə çevrilib.Yaxınlarım da bunu mənə deyir.Deyirlər sən artıq Mixin useri deyilsən. Mix.azlı deyiləm mən.Mən artıq Mixin özü olmuşam)).Yuxudan duran kimi ilk növbədə kompyuteri yandırıb , Mix.Az səhifəsini açıb daha sonra əl üzümü yumağa gedirəm.
Mix.Aza kənardan baxdıqda çox sadə və adi görsənə bilər, lakin bu sadəlik və adiliyin içində insanın ağlına gələ bilməyəcək həqiqətlər, söhbətlər, müxtəlif tip insanlar, bekar qalıb msnlərdə müxtəlif yalanlar uydurub bunu bəh-bəhlə ağız dolusu müzakirə edənlər, biri bir azacıq yükslərsə onun ayağını qazmağa çalışanlar, bu gün acıq edərək gedib sabah özünə başqa nik açanlar var. Qısacası hər gün bu cür hallarla rastlaşıram..Həqiqətən də Mix.Az da çox qeyri adi hadisələr cərayan edir. Eşitdiyim ağıla gəlməz söhbətlər, görüdüyüm bu cür hadisələr Mixdə keçirdiyim hər günü həm pis, həm də xoş cəhətdən unudulmaz edir mənim üçün.
Bir çoxlarına deyiləcək bir çox sözüm var.Amma bu vaxta kimi öz səviyyəmi saxlayıb susmuşam.Yəqin ki bundan sonra da susacağam.Susmağım isə kimdənsə çəkindiyim,qorxduğum anlamına gəlmir mən sadəcə olaraq hər nə də,hər kim də olmasına baxmayaraq qarşımdakına hörmət etməyi bacaran insanam.
Bir gün Mix dən gedə biləcəyimi düşünmürəm.Getsəm belə kimlərinsə yaddaşında mütləq qalacağam.Mix də elə bir yeniliyim olmasa da ən çox online olan user olmuşam ))rekord göstərici 28saat 36 dəq çox təəssüf ki saniyələri unutmuşam .Bu yaxınlarda isə bu rekordu təzələmək barədə düşünürəm )))
Mix.Az lılara isə onu demək istərdim ki kimsə ona layiq olduğundan daha az diqqət yetirildiyini düşünməsin unutmasınlar ki,onlar Mix.Az da qeydiyyatdan keçdikləri andan avtomatik olaraq ən sevimli, ən öndə gedən saytın ən sevimli ,ən öndə gedən userinə çevrilmiş olurlar.
 Təşəkkür edənlər: (87) Whatever Happens, Western_lady, Charme, Lunam, Splendid_Girl, TeK_OnUn_GuLu, Dandoline, smart-g, LiVinG_DeaD, Bobo_demos, Mr_Anderson, FeMeNiSTKa, ROMINA_21, Vogue, meymuncha, TARKANFAN, _MILANoooRE_, Just Why____, Unfaithful, Viva 4ever, King_of_Ring, SALOME, HeYaT_SenSizDe_ZoRDu, JEFF_HARDY, Financer_001, Rob_Pattz, indivium, _REQANA_, Just_Dance, SWEET, A_def, Asef, FATEH_06, ice lady, WUgirl, UsuaL, Mayta, _stilyawka_, ISAQ_M, ASHKSIZ_PRENS, Azerbaycaniim, TEXAS, emeraude, Markiza, Gitaristtttt, m.Hesenzade, ASI_GIRL, Aze_girl, German_girl, Morena, decel ve gozel, TATULYA, Shirindil, yesil, lacrima723, semichka_supu, Nihat, Resad-9, MAGIC GIRL, chrysalis, cici kiz, Gabriel, withyou, E.C.N, XEDICE, UltrAslan, EQZOTIKA, PRAQMATIK, Klubnichka_Mix_Az, Real Madrid Forever, Dr.Genetik, ayshan, Yerazcik, Cehennem_Sakini, _SENSELES_LIFE_, _Ikoo, SENDY, YUNIS_855, VeLGeLmiNa, sema-210, The first lady of Mix, GaGo DraGo, Nifret, so_lonely, MIRacLe sabiwka, Catgirl93, Mary Max |
Ana səhifə
