Sualım – Həyatda başınıza gələn ən möcüzəvi, ən qəribə, ən maraqlı hadisələr hansılar olub?
“ PATRIOTKA ”
1. Bir dəfə nənəmgilə qonaq getmişdik. Papa evdə tək qalmışdı. 9 mərtəbəli evin 9-cu mərtəbəsində qalırdıq. Kalonkanı yandırıb yatıb qalmışdı. Ev partdamışdı, hətta divarlar da uçmuşdu. Amma atama heç nə olmamışdı. Heç dırnağı da qanamamışdı. Birdə ki, düz 2 həftədi əlimi hara vururam məni cərəyan vurur. Hətta suya da əl vuranda. Axırda kül olacağam.
“ EmBaO ”
2. Möcüzəyə inanmıram. Ən qəribəsi ikinci həyatımı yaşamağımdır. Maraqlı isə fərqli ayaqqabılarla (hərəsi bir tay) şəhərə getməyim olub.
“ REBEKA ”
3. Başıma gələn ən möcüzəvi hadisə uşaq vaxtı olub. Düzü mənim yadıma o qədər də düşmür. Çünki çox uşaq olmuşam. Həmin vaxtı kəndə getmişdik. Nədənsə bərk zəhərlənmişəm. Hamı artıq mənim ölümümü, Bakıya necə gətirəcəklərini düşünürmüşlər. Sonra orda bir qoca arvad var imiş, deyib ki, bu qıza göz dəyib. Gəlib Bismillah deyib üzümə nəsə üfürüb oxuyub. Qurtarandan sonra mən səbr gətirmişəm. Ondan sonra da özümə gəlmişəm. Hamı o vaxt deyirdi ki, bu uşağa moşnu göz dəyib. Yəqin qəşəng uşaq olmuşam ondan imiş. O ki, qaldı başıma gələn digər hadisələrə mənim üçün ən maraqlı və qəribə hadisə elə bu yaxınlarda oldu. Bir şəxsiyyət vəsiqəsi tapmışdım. Onu yiyəsinə təhvil verəndə uşaqlıqdan bəri görmədiyim, lakin çox axtardığım və darıxdığım uşaqlıq dostumu gördüm. Şəxsiyyət vəsiqəsi onun xalasının imiş. Burda deyirlər e dağ-dağa rast gəlməsə də insan-insana rast gəlir.
“ VeLi ”
4. Həyatda başıma bir dəfə möcüzə sandığım hadisə gəlib. Uşaq yaşlarımda anamla birlikdə Naxçıvandan Bakıya təyyarə ilə gəlirdik. Axşam saatlarında uçmalı idi təyyarə, amma atam nədənsə istəmədi gec gedək. Biletimizi qaytardı və bir təyyarə reysi ilə bizi tez yola saldı. Səhər televizor izləyərkən məlum oldu ki, biz gələcəyimiz təyyarə qəzaya uğrayıb və 100-dən çox insan həlak olub.
“ matematik ”
5. İlk dəfədir ki, sizin xəbərinizdə Mix.az-lı kimi iştirak edəcəm. Bu elə ən maraqlı hadisə oldu. Həyatda bu cür hadisələrlə o qədər də qarşılaşmamışam. Universitetin əyani şöbəsinə düşməyim mənim üçün möcüzədir. Çünki atam 7-sini qiyabi yazmışdı. 1-ci ili çox cəhd elədi ki, məni qiyabi şöbəsinə keçirtsin, amma baş tutmadı. Brilliant statusuna layiq görülməyim maraqlı hadisələrdən biri oldu.
İndiki zamanda kiminsə kiməsə hörmət etməyi mənə qəribə gəlir, çünki bunun ardından nə isə olacağını hiss edirəm. Hadisəyə ehtiyac yoxdur, elə insanların özü qəribədir, maraqlıdır və möcüzədir!
“ Never_love ”
6. Ən möcüzəvi hadisə deyərdim ki, yuxularımla bağlı olub. Yuxumda atamın ölüm xəbərini eşidirəm. Sonra görürəm ki, atam işıqlı bir yerə girib deyir ki, qızım qorxma mən deyiləm o ölən, mən qayıdacam. Sabahısı gün bibimin həyat yoldaşının ölüm xəbərini eşitdik. Bir də ki, namaz qılmaqla bağlı olub. Həmişə özümü aldadırdım ki, başlıyacam-başlıyacam. Amma gördüyüm qəribə yuxular məni düzgün yola gətirdi.
“ Mary Max ”
7. Möcüzələrə inanıram. İslam özü bir möcüzə deyilmi?! Belə ki, nəsə pis və yaxud yaxşı nəsə hadisə olanda mən əvvəlcədən yuxumda görürəm. Qəbul imtahanı idi və mən imtahandan 2 ay əvvəl əməliyyat keçirtdiyim üçün imtahanda narkozun təsirilə ilə yaddaş pozğunluğu yarandı. İstədiyim qədər suallara cavab verə bilmədim. Həmin günü yuxuda gördüm ki, mənə deyirlər dua et namazlarında, möcüzə istə Alldan ballar yenəcək, Xarici dilə qəbul olacaqsan. Belə də etdim. Şükürlər olsun ballar da yendi. Hal-hazırda 3-cü kurs tələbəsiyəm.
“ miss_princess ”
8. Başıma gələn ən maraqlı hadisə təxminən 10 yaşında olub. Yolu keçən vaxtı maşın məni vurmuşdu, amma elə belə toxunmuşdu. Yerdən durub heçnə olmamış kimi getdim evə və heç kimə demədim. Hələ də heç kim bilmir.
“ Liebe und Hass ”
9. Möcüzə hadisə: bir neçə dəfə ölümlə üzbəüz gəlməyim və möcüzə nəticəsində sağ qalmağımdı.
Maraqlı hadisə: Başıma gələn ən maraqlı hadisəni danşım. Olardı hardasa 8 yaşım, evdə çox istəməkdən söhbət gedirdi. Bir də eşitdim ki, evdəkilər deyir səni çox istəmirik. Bu söz mən elə təsir etmişdi ki, dedim indi siz görərsiz gününüzü, çox istəməyin nə olduğunu öyrədərəm sizə. Getdim gizlincə qapının arxasında gizləndim, bir də gördüm səs-küy qopub. Biy qız yoxdu itib qız. Axşama kimi küçələrə düşüb məni axtardılar. Az qalmışdı polisə getsinlər. Axırda çıxdım üzə. Dedim heç yana getməyin mən burdayam. Həmən günü o qədər danladılar məni. Bir də belə iş görmə, az qalmışdı ürəyimiz partlasın.
“ W_O_N_D_E_R ”
10. 2 il bundan öncə institutda 2-ci mərtəbədən yıxılmışdım. Gəlib yerə çatana kimi bir şeyi dua etdim ki, boynum-belim sınmasın. Təki şikəst qalmayım. Amma qurban olum Allaha bir yerim də belə çıxıq, sınıq olmadı.
“ Mila_azeri ”
11. Mən sizə lap körpəlik əhvalatımı danışacam. Balaca vaxtı Şıxovda dənizlə üzbəüz həyət evində yaşayırdıq. Mən 5-6 aylıq olardım. Maddi cəhətdən bir az korluq çəkirdik. Anam 2 qardaşımı rayona göndərmişdi, xalamgilə. Gecə vaxtı mamam otaqdan səslər eşitməyə başlıyıb. Elə bilib ki, evə ilan girib. Çünki 5-6 gün qabaq evə ilan giribmiş. Yay olduğundan atam həyətdə uzanıbmış, mən də dəmir beşiktə yatırmışam. Anam qaça-qaça çıxır çölə ki, atamı çağırsın. Bir anda krişa pola yapışıb və mən də içərdə. Qışıqırıq qopub, hay-küy. Hamı məni ölmüş bilib. O hadisəni xatırlayanlar ordan kiminsə sağ çıxmağına hələ də inanmırlar. Təsəvvür edin ki, əraziyə gələn kömək maşınları gecəynən betonları, dağıntını təmizləməyə başlıyır. Dibə yaxınlaşanda mənim ağlamaq səsim eşidilir. Atam özü öz əlləriylə məni həmin o beşiyin içinnən sağ-salamat çıxardır. Nə mənə, nədə ki, beşiyə heç nə olmur. Çünki pataloq çökən zaman böyük bir beton parçası beşiyin üstə düşür qapaq kimi, həmin o parça məni qoruyur. Bu hadisəni Şıxovun o köhnə məhəlləsində çox ağsaqqallar bilir. Evimiz çökür, ancaq ailədən heçkimə heç nə olmur. Allah bizi qoruyub. Qeyd edim ki, qardaşımın yatdığı kravat param parça imiş. Tərsinə də ola bilərdi əgər rayona getməsəydilər. Allahın öz qullarına yazığı gəlib. Bu qədər. ´Yıkılmadım ayakdayım´.
“ Manson_9 ”
12. Həyatımda başıma gələn maraqlı hadisə qəbul imtahanı vaxtı olub. Müəyyən səbəblərə görə Naxçıvanda imtahan verirdim. 7 nömrəli məktəbin yanında qalırdıq, lakin mən imtahana 14 nömrəli məktəbə düşmüşdüm. Əslində özümü hazır vəziyyətdə hiss edirdim, lakin səhər həyətdəki abituriyentləri görəndə həyəcanlandım və girdim otağın qapısını bağladım ki, hazırlaşım. Uzun müddət sonra oyandım yerdə oturaraq əsdiyimi və mamamın məni çağıraraq qapını qırmaq üçün kömək istədiyini eşitdim. Ürəyim gedib. Öz-özümə deyirdim ki, mən niyə burda yatmışam. Yenə yuxuya gedəcəyim anda ALLAH-ın köməkliyi ilə (qolum stula dəymişdi bütün qanamışdı) qanı gördüm dik atıldım özümə gəldim. Durub qapını açdım. Tələshik qaça-qaça hazırlaşıb getdik. Yoxsa 1 ilimi adi bir hala görə itirəcəkdim.
“ Jasmin ”
13. Həyatda başıma gələn ən möcüzəli hadisə yuxumda çoxdandı axtardığım bir insanın nömrəsini görməyim olub. Sabahısı gün zəng etdim və mən şokda idim.
Ən qəribə hadisə evin içində düz 3 koftamı itirməyib olub. İkisini çoxdan itirmişdim, birini də bu yaxınlarda. Elə bil evimizdə cin var. Üçünnən də xəbər yoxdu. Depressiyaya girdim lap. Maraqlı hadisələr çox olub həyatımda. Amma ən maraqlısı yəqin ki, ad günlərim, partilər, rəfiqələrimlə birlikdə keçirtdiyim anlar olub.
“ Designer_005 ”
14. Demək bir gün dostlarla yığışıb Qubaya getdik. Çox gözəl istirahət elədik. Orda Minarə deyilən bir yer var qalxdıq ora bir yer tapdıq yedik, içdik axşam düşdü qayıtmalıydıq qaldığımız kəndə. Qudyal çay var onun üstündən keçib meşəliklə qayıtmaq istədik. Çayı keçmək üçün körpü var amma köhnə körpüdü o körpünü keçmək istəyəndə ayağım sürüşdü yıxıldım çaya. Yaxşı ki, nə daşa çırpıldım nə də çay apardı məni. Vaxtında tərpəndim özümü çaydan çıxartdım. Həyatda maraqlı hadisələr çox olub mən üzə bilmirəm Aqua parka getmişdik. Orda da az qala boğulacaqdım Allah saxladı.
“ budis ”
15. Uşaqlıqda bir maşınım var idi. Maşın kirpi idi. Yəni oyuncaq kirpi idi təkərli. 6 yaşım təzə olmuşdu. Anam apardı məktəbə yazdırsın məni və Sinif rəhbərimlə tanış etdi. O da dedi uşaq qalsın burda bir az sorğu-sual edim gəlib götürərsən. Əlifbanı açdı, şəkilləri göstərirdi, mən də hamısını deyirdim. K hərfinə gəldi. Orda da kirpi şəkli var idi. Müəllimə soruşdu bu nədi? Dedim maşın. Müəllimə deyir: "Yox qızım bax gör bu nədi". Dedim bu maşındı. Müəllimə dedi yox kirpidi. Mən dedim yox maşındı. Nə isə müəllimə kirpi, mən dedim maşın. Anam gəldi ki, necədi? Müəlliməm dedi ki, bayaqdan kirpi göstərirəm deyir, bu maşındı, başa sala bilmirəm ki, bu kirpidi. Anam dedi ki, bunun kirpi maşını var ona görə. Nə isə. Artıq dərs başladı və K hərfinə gələndə. müəllimə bu dəfə bütün sinifdən soruşdu "Uşaqlar bu nədi". Məndə sevinmişdim ki, indi hamı maşın deyəcək, amma mən bircə bilirəm ki, bu kirpidir. Amma gördüm hamı onun kirpi olduğunu bilirmiş.
“ 2ral.a ”
16. İlk dəfə xarici ölkəyə gedəndə gecə yatmadığıma görə dəhşət yuxulu idim. Təyyarəyə minib yatmışdım. Bir də çatdığımızda oyatmışdılar. Sonra pasporta ehtiyac oldu, gördüm ki, yoxdu pasportum. İtirmişəm sən demə. Evə zəng elədim ki, belə bir məzəli söhbət gəlib başıma. Onlar da yeni pasport üçün geri gəlməyimi istədilər. Geri qayıtsaydım universitet qeydiyyatına çata bilən deyildim, kəsiləcəkdim. Hazırlıq görürdüm geri qayıtmağa, bir də xəbər gəldiki təyyarəni təmizləyərkən Bakıda pasportumu tapıblar. Çox sevinmişdim və son dəqiqələrdə çatdım istədiyim yerə. Bu mənim üçün möcüzəvidi.
“ _Unikalnaya_ ”
17. Həyatımda möcüzə bir dəfə olub. Sevdiyim insanla görüşdüyüm yerdən 2 addım irəlidə atam məni gözlüyürmüş. Onunla sağollaşıb gəldim, şoka düşdüm. Artıq əmin idim ki, mənə конец. Evdə başımı kəsəcək. Amma şok oldum əsl mənada, sən demə atam məni heç görmüyüb. Amma dəhşət bir şeydi. Sizi inandırım ki, görməmək mümkün deyildi. İkicə addım aralı idi. Allah əsl mənada möcüzə elədi, bizi qorudu. Yoxsa indi ayrılmış olardıq.
“ PshikoPaTKa ”
18. Əslində həyatımda maraqlı hadisələr çox olub. Nədənsə indi bunu daha çox yazmaq istədim. Möcüzəvi, qəribə olmasa da maraqlı və gülməlidi məncə. Yay tətilində ailəvi Kievdə istirahətdəydik. Hardasa 11-12 yaşım olardı. Qaldığımız yerin yaxınlığında Ultramarin əyləncə mərkəzi var idi. Həmin günü uşaqlarla Ultramarində film izləməyə getdik. Baxmayaraq ki, rus dilində heç birimiz yaxşı bilmirdik. Çoxlu popcorn, şokolad və sok alıb yerlərimizdə oturduq. 5-10 dəqiqə içində bütün aldıqlarımızı yedik. Duzlunun üstündən şirin yeməyin nəticəsi. Qəfildən içimdə burulğan baş verdiyimi hiss etdim. Və özümü saxlaya bilməyib qabaqda əyləşən "kəltoş İvan" əminin başına "kusdum". Və həmin an bütün zala biabır olmuşdum.
“ Moonlight ”
19. Konkret həyatımda elə bir möcüzəvi hadisə baş vermiyib. Amma ki, həyatımda daim dövr edən qeyri-adi bir şey var. Mənim demək olar gecələr gördüyüm yuxularla bağlı sabahısı gün mütləq nəsə baş verir. Bu mənim üçün yeni bir şey deyil. Amma ki, hər yuxularımla bağlı real həyatda bir şeylər olduğunda bu mənim üçün möcüzə olur hər dəfə.
“ dostluq ”
20. Bu dünyadakı varlığımız başdan-sona möcüzə deyilmi?! İnsanların yaradılışından ölümünə qədər hamısı bir möcüzədir. Ən böyük möcüzəmiz həyatdı. Səbəbkarı da Allahdır. Bundan başqa möcüzəvi hadisə nə ola bilər?!
Ən qəribə və maraqlı hadisə deyəndə mənim yox nənəmin başına gələn hadisə yadıma düşdü. Deməli mən balaca olanda 8-9 yaşım ola ya olmaya məktəbdən gəldim gördüm nənəm bikef oturub nəsə fikirləşir. Soruşdum ki, niyə belə fikrə getmisən nolub sənə? Dedi nahara xəngəl bişirirdim xəngəlləri kəsib hazırlayıb taxtanın üstünə düzdüm ki, siz gələndə töküm qazana isti-isti yeyin. Amma sən qapıdan girəndə xəngəli qazana tökmək üçün götürməyə gələndə gördüm nə xəngəl? Bir dənə də qalmayıb. Qəribə olan budur ki, üstündəki dəsmal tərpənməyib, altındakı xəngəllər yoxdu. Heç qırıntısı da qalmayıb. Yazıq nənəm hələ də xəngəllərin necə yoxa çıxdığını tapa bilmiree.
“ Artemida ”
21. Bundan 1 ay əvvəl, dekabr ayının 1-i bir qızla tanış oldum feysdə. Elə həmin günnən dəhşətli günlərim başladı. Allah istəmirdi bir yerdə olmağımızı. Deməli bir-bir sadalıyım Allahın mənə etdiyi xəbərdarlıqları. Ayağım dəydi stəkanım sındı, çay tökürdüm töküldü yerə. Qulaqcığa qulaq asırdım qopdu 2 dəfə. Əlim ayağım dəyib bir yerə, evdə pərdə var idi yüngül asılmışdı çıxdı yerinnən. Bunların hamısı ayrı-ayrı günlərdə həmin qızı fikirləşdiyim anlarda olub. Məncə bu elə ən böyük möcüzəvi hadisədir. Digər hadisə isə yuxuda başıma gəlib. Bundan təxmini 3-4 il əvvəl olardı. Əmimgildə sega oyunu oynamışdım. Çox xoşuma gəlmişdi. Nəysə gəldik evə. Bir gün yuxuda gördüm ki, getmişik əmimgilə bəs sega oyunu yoxdu. Bu hadisə yadımda qaldı. Dedim prinsipə soruşacam ondan. Əmimgilə gedəndə dedim əmioğlu gətir oynuyaq dedi yoxdu satmışam başqasına. Həəə bu da oldu 2-ci möcüzə. Bundan başqa çox şey olub yuxuda görmüşəm real həyatda gerçək olub. 3-cü möcüzə elə bu yaxınlarda baş verib. Vinetqa çəkdirdik mənə 46 manata başa gəldi. Dedim ki, hələ yanvara hazır olar o vaxta kimi yığaram. Hə nəə çəkdirənnən 1 həftə sonra dedilər ki, gəlin götürün. Dedim neyniyəcəm mən pul da yoxdu verməyə. Yarısını yığmışdım yarısı qalmışdı. Qorxumnan papaya 35 manat demişdim. Evdə mamagil dedi ki, Allah kömək olar dedim necə olacaq ee sabah verməliyəm. Allahın böyüklüyünə bax ki, sabahısı gün getdim mənim şəkillərim hazır deyilmiş. Qaldı sonraya axı yenə pulum çatmır. Dedilər düzələr. Ayın axırı verməli idim uje bu dəqiq idi. Bəs qızlar dedi ki, 31-i işləmir ora. İndi də qaldı bu ayın 4-ünə. İşə
bax ki, 1 manatım çatmır onu da ayın 4-ü götürürəm papadan vəssalam. Sizcə möcüzə deyilmi bu????? Ən axırıncı isə mix.az-la bağlıdı. Facedə bittermoon-un dostluğunda Eynur adı gördüm. Dedim bəlkə bu mix.az-dandı. Nəysə şəklinə baxdım dostluq yolladım. Sabahısı gün Nərimanov metrosunda gördüm bir dənə oğlan. Həə bəs bu Eynura oxşuyur axı. Risk elədim getdim adınız Eynur deyil. Dedi hə. Başladıq söhbətə. Ayın-bayın. Bu da oldu başıma gələn maraqlı hadisələrdən biri.
İştirak edən user-lərə dərin minnətdarlıq: İmza: Tural Məhərrəmov
Ana səhifə
DEMELI MEN TEK DEYILEM
