Hər övlad dünyaya gətirən qadın əsl ana olmur.Ancaq hər övlad dünyaya gətirən ana ən şanslı qadın olur!
Ana olmağı bacaran hər qadın xoşbəxtdir!
Ana olan zaman qadınların yuxusuz gecələr keçirdiyini hər birimiz bilirik.Ancaq yuxusuz gecələrin , yorğunluğun əslində ən gözəl hisslər olduğunu bilirsinizmi?
Təmmanasız, qarşılıq gözləmədən daima sevməyin, qorxumağın, fəda etməyin ən əvəzolunmaz, ən böyük sevgi olduğunu bilirsinizmi?
Hardan biləsiniz ki?
Ana olmayan biri bu hisslərin gözəlliyini sadəcə təsəvvür edə bilər.Bu hissləri tam dəqiqliklə anlamaq üçün əsl ana olmağı bacarmaq lazımdır!
Qızlar heç fikirləşmisinizmi bizlər ana ola bilməsəydik nələrdən məhrum olardıq?
Bizlər ana ola bilməsəydik bax bu hissləri yaşamaqdan məhrum olardıq!
Bizlər ana ola bilməsəydik istədiyimiz zaman yatar, istədiyimiz zaman istirahət edərdik ancaq kiçik əlləri ilə bizə tutunan bir övladın istiliyini hiss etməkdən məhrum olardıq!
Bizlər ana ola bilməsəydik başımız dinc, rahatlıq içində sadəcə özümüzü fikirləşərdik ancaq saf, bizə baxan o məsum gözlərdən, ən əsası "Ana" kəliməsini eşitməkdən məhrum olardıq!
Bizlər ana ola bilməsəydik qaynanamızın nə üçün oğlunu bu qədər sevdiyini anlaya bilməzdik.
Bizlər ana ola bilməsəydik əsl xoşbəxtliyi pulda, gözəl şərait altında yaşamaqda görərdik.Əslində əsl xoşbəxtliyin dünyaya gətirdiyimiz övladımızı ilk dəfə görüb, bağrımıza basdığımız an olacağından xəbərsiz olardıq!
Bizlər ana ola bilməsəydik ən güclü sevgi anamızın bizə olan təmannasız məhəbbətidir deyərdik.Ana olduqdan sonra isə ən güclü sevgi mənim sevgimdir deyərik içimizdə...Mən anamın məni sevdiyindən daha çox öz balamı sevirəm deyərsiniz.İkinizində eyni hissləri yaşadığınızı bildiyin halda ən güclü sevgi mənimkidir deyərsiniz.Əslində isə ən güclü sevgi günlər, aylar, illər keçdikcə azalmayan hər ananın övladına olan məhəbbətidir!
Bizlər ana ola bilməsəydik gecə "O"-la bağlı qorxulu yuxular görməz, tez yuxudan oyanıb onun yanına gələrək dərin nəfəs aldığını izləməkdən məhrum olardıq!
Bizlər ana ola bilməsəydik səbrin, mərhəmətin, fədakarlığın, həssaslığın əslində nə olduğunu ömür boyu öyrənə bilməzdik!
Bizlər ana ola bilməsəydik onun çıxardığı hər dişlərini saymaz, xüsusi gün olaraq qeyd etməkdən məhrum olardıq!
Bir ana üçün bunların nə dərəcədə əhəmiyyətli olduğunu bilirsinizmi?
Bizlər ana ola bilməsəydik ən böyük həyəcanın övladımızın məktəbə getdiyi ilk gün olduğunu bilməzdik!
Bizlər ana ola bilməsəydik ən böyük sevincin 8 mart qadınlar günündə övladımız tərəfindən aldığımız ilk təbrik məktubunun olduğunu bilməzdik!
Bizlər ana ola bilməsəydik ən böyük xoşbəxtliyin qızımızı köçürüb, oğlumuzu evləndirdiyimiz gün olduğunu bilməzdik!
Əslində bir uşaq dünyaya gəldiyi zaman bir anada dünyaya gəlmiş olur....
PS.Qızlar əslində biz çox xoşbəxtik.Bilirsinmi niyə?Çünki dünyaya gələcəyin ən tanınmış, ən sevilən, ən savadlı, ən yaraşıqlı insanları biz dünyaya gətiririk:)))
Yazı tamamilə mənə aiddir!
Ana səhifə
