 Deyirlər hər kəsin öz dünyası var. Bu dünyanı hər kəs də görə bilməz. Bəzən həmin insana sirli biri kimi baxırıq. Ancaq dərindən düşünsək bu belə deyil. Sadəcə həmin insanın dünyasını tutmağı bacarmaq lazımdır. Onun ürəyini fəth edən yolları tapmaq lazımdır. Bunu isə insanla ünsiyyət qurarkən əldə etmək olar.
Elə insan var onun iç dünyasını tez bir zamanda bilmək olar. Ancaq elə də insan var ki, onun iç aləmini yaxşı mənada, yaxud pis mənada günlər, aylar, illər belə yetməz.
Deyirlər insanın damarını tutmaq lazımdır. Bu isə hər kəsə nəsib olmur. Hər bir insanla kim isə maraqlanır. Bunu bəzən hiss edirik, bəzən isə çox gec bilirik. Həmin insanın maraq obyektində oluruq. O insana bir növ yaxşı mənada pərəstiş edirik. Ya sevgi hissləri ilə, ya da sadəcə bir insan kimi kənardan qiymətləndiririk, dəyərləndiririk. Bunu bəzən fanatlıq kimi də adlandırırlar. Yəqin bu cür insanlarda nəsə tapırlar. Ya dünyagörüşünə, ya savadına, ya da əxlaqına və s. heyran qalırlar. Ya da ki, özünü onda görürlər.
 Bəzən fikirləşirik niyə bizimlə maraqlanan insana deyil, bizimlə maraqlanmayan birinə maraq göstəririk. Bizimlə maraqlanan insan çox zaman maraqsız gəlir. Onun haqqında nəsə öyrənməyə belə can atmırıq.
Ancaq bizim üçün maraqlı olan və bizə əhəmiyyət verməyən biri isə hər zaman maraq oyadır. Onun haqqında məlumat toplamağa çalışırıq, onunla ünsiyyət qurmağa can atırıq. Halbuki, o insan üçün heç bir məna kəsb etmirik. Buna görə dəridən – qabıqdan çıxmaya dəyərmi? Bəzən fikirləşirik bəli, dəyər. Bu an bir məsəl yadıma düşdü : Mən sevməyirəm məni sevəni, mənim isə sevdiyim sevməyir məni. Doğrudan da belədir. Bizim üçün hər şey də olmasa, çox şey etməyə çalışan birinin hərəkətləri çox adi, bəsit gəlir. Bir növ onu qiymətləndirmirik. Bəlkə də qiymətləndiririk, ancaq çox gec bunu anlayırıq. Onu itirdikdən sonra heyfslənirik. O, bizim yanımızdan getdikdən sonra məyus oluruq. Onda isə bu peşmançılıqların hamısı çox gec olur. Ona görə ətrafımızda olan, bizə özümüzdən artıq da dəyərli biri kimi baxan insanlara qiymət verməyə çalışaq...
Niyə bizə maraq göstərməyən insana meyl edirik?
 Təşəkkür edənlər: (41) Financer_001, desolate girl, _lady_bdu_, rena94, Whatever Happens, _SKARPIONA_, MAGIC GIRL, Vogue, reservoir engineer, TARKANFAN, Рлегант, MILI.AZ, Adelina.17, superonline, E.C.N, Asef, DoktorLife, FeMeNiSTKa, J_LADY, kid-07, lacrima723, kissed_a_girl, semichka_supu, Cehennem_Sakini, TeK_OnUn_GuLu, Design_89, TATULYA, Just_Dance, xaker_dronqo, Nika_86, Fairy_dreamer, Without_you, Lunam, Real Madrid Forever, FLIGHTLESS_BIRD, SILARMON, Azer-X, Denizim, Milana_WU, emin84, Acidil |
Ana səhifə
