Gözümü açdıqda yanımda tanımadığım bir qızın uzandığını gördüm.Bu gecəni yenə də əyləncə mərkəzlərinin birində keçirtmişdim.Dozanı deyəsən o,gecə çox qəbul etdiyimdən yuxudan baş ağrısına,güclü bədən ağrısına oyandım.
Həyatım sanki bir kabus idi.Bu kabusdan ayıla bilmirdim.Dostlarımı,ailəmi hətta sevgilimi belə itirmişdim.
Çox əsəbiyəm,mənə yenə lazımdı...Pulum yoxdu. Bu dəfə kimdən oğurluq edəcəm?
Hər gecə başqa-başqa bədənlərdə oluram.Dünyadan bixəbər həyat tərzi keçirirəm.
Yolda atamı gördüm.Saçları ağarmış vəziyyətdə fikirli gedirdi.Salam verdim.Niyə salamımı almadı? Məgər eşitmədi? Bəlkə məni tanımadı? Əynimdəki cırıq şalvar,tüklü üzüm,yuxulu gözlərim-bu sanki mən deyildim.
Evimizdə artıq bahalı heçnə qoymamışam,hamısını satmışam.Anamın nişan üzüyünü,bacımın telefonunu,atamın 50 illiyində aldığım saatı, həttta sevgilimə 8 martda aldığım bilərziyi belə qolundan çıxardıb satdım.
Məktəbdə oxuyarkən şəklim hər zamn şərəf lövhəsində,universitetdə isə təhsilinə və davranışına görə fərqlənən tələbə idim.Tələbə? Mən artıq tələbə deyiləm. Üçüncü kursdan məni çıxartdılar.
Həyatım bir gecə ərzində kabusa çevrildi. Dostlarımdan biri çox əsəbi halımda mənə onu təklif etdi.Qəbul etdikdən sonra özümü çox əla hiss etdim ,sanki şirin yuxu idi amma yalnız o gecə əla idim,sonraki günlərim acı yuxu oldu.
Niyə mən bu həyatı seçdim?
Kimdir günahkar
Valideynlərim?
Özüm?
Yoxsa,bu sadəcə tale yazısıdı?
Başqa bir insanı tanımaq üçün bəzən bir ömür belə bəs etmir.Bəs insanın özünü tanıması üçün nə qədər vaxt lazımdır?Hər insan özünün yetəri qədər tanıyırmı?Bəzən elə səhvlər edirik ki,ətrafdakılar bizə heç səndən gözləməzdik deyirlər.Bəs bu səhvi edən bizlər, bunu özümüzdən gözləyirdikmi?Bunun günah və ya böyük bir səhv olduğunu bildiyimiz halda niyə bu addımları atırıq?Hər dəfədə səbəb müxtəlif olur....
Gecə həyatı bu gün üçün əyləncəli hesab olunsada axırı yoxdur.O ortama alışmış bir insanın heç bir zaman hörməti olmur.Hər kəs ətrafında seçilən,sayılan,hörmətli insanları görmək istəyir,böyük səhvlər etmiş insanı heç kəs qəbul etmək istəməz.Bu həyatı insan kimi yaşamaq bizim əlimizdədər.Əgər nə vaxtsa kimsə böyük səhvlər edirsə günahı özündə axtarmaqdan başlasa düzgün yola qayıtmaq üçün böyük şansı olar.
 (0) Təşəkkür edən yoxdur. |
Ana səhifə
