ANA haqqında içimdə o qədər sözlər varki. Hardan başlıyacağımı belə bilmirəm.      ANA - mən deyərdimki həyatda ən yüksək zirvədə olan bir insandı. ALLAHın bizə göndərdiyi bir mələkdi ANA. O mələkki, bizə dünyaya gəldiyimiz ilk gündən bəri yaşamağı öyrədən, taaa körpə ikən, heç kimi anlamadığımız çaglarımızda bizə dünyada eşidə biləcəyimiz ən şirin və gözəl kəlmələrlə bizə çatdıran, danışmağı, yeriməyi bizə öyrədən bir mələk. Allaha əl açıb dua etməyi də bizə öyrədən ANAdır. Bizi dünyada pis insanlardan, bütün pisliklərdən öz canı bahasına qoruyandı ANA. Körpə ikən bir tikə yemək yeməyimiz üçün arxamızca qaçandı  ANAdı.

“Kim deyir sevməyir hər naxələf övladı ANA”. Bəli övlad nə qədər naxələf olsa belə yenədə ANAnın ürəyində o övlada sevgisi olur, yenə də o övladın xoş gününü istəyər. Nə qədər az əziyyət verən övlad olsa belə ANAnın bir yuxusuz gecəsinin borcunu ödəyə bilməz . Gecə bir dəfə də olsun qalxıb övladının üstünü örtməsi övlad üçün ən böyük xoşbəxtlikdi.

Heç vaxt övladı ilə küsülü qala bilməyəndi ANA. Ürəyində heç vaxt kin saxlamayan insandı ANA. Bəzən hirsli vaxtımızda onunla acıda danışmışıq. Amma yenə də üzə vurmaz ANA. ANAlar hər zaman övladlarını başa düşərlər. Hətta övladın xırda bir mimikasından belə onu anlayacaq qədər başa düşərlər.  Bəs biz nə etmişik ANAmız üçün. Bunu düşündükmü heç? Əksinə həmişə bir dərdimiz olanda üstünə qaçırıg, düzdü danışıb rahatlıyırıg amma ANAnın ürəyinə dag olur övlad dərdi. Yenə də bunu belə üzə vurmaz ANA. Dag kimi dayanar. ALLAH heç bir ANAya övlad dərdi verməsin. AMİN! Heç vaxt ANAnın borcundan çıxa bilmərik. Sevincimizi bölüşən, dərdimizə şərik çıxan insandı ANA.

Həmişə Allaha dua etdiyimdə “ANAma gələn ağrı acı mənə gəlsin, təki ona heçnə olmasın” deyirəm, Çox əziyyətli günlər keçirib O...heç olmasa bu yaşından sonra əziyətsiz günlər yaşasın Allahın izni ilə....Allah Onun kölgəsini belə başımızın üstündən əskik etməsin. AMİN! Allah bütün ANAlara uzun ömür, can saglığı versin, dünyasını dəyişənlərə Allahdan rəhmət diləyirəm, bütün ANAların qarşısında baş əyirəm, əllərindən öpürəm başda öz ANAM olmaqla. Birdə Allahdan istəyim ANAma ömür versin onun borcunun (borcundan çıxa bilmərəm sözsüz) heç olmasa bir qismini də olsa ödəyə bilim. Daha çox yazardım amma yazdıqca gözlərim dolur. Çox təşəkkür edirəm mövzu üçün.

Müəllif: vilesh