 Futbol üzrə 2010-cu il dünya çempionatının final mərhələsinin bütün iştirakçıları müəyyənləşib.
Noyabrın 18-də keçirilmiş “pley-off” matçlarından sonra daha 6 vəsiqənin sahibləri məlum olub.
Postsovet məkanından Rusiya və Ukrayna yığmaları ilk görüşdən əlverişli hesabla ayrılmalarına baxmayaraq, cavab qarşılaşmalarında uduzaraq, Cənubi Afrika Respublikasına yollanmaqdan məhrum olublar. İrlandiya ilə Bosniya və Herseqovina da müvafiq olaraq, Fransa və Portuqaliya önündə gözlənilməz nəticəyə imza ata bilməyiblər.
Daha iki vəsiqə isə Əlcəzair və Uruqvaya qismət olub. Əlcəzair Misiri, Uruqvay isə Kosta-Rikanı sıradan çıxarıb.
Sloveniya – Rusiya – 1:0
Zlatko Dediç, 44
Qırmızı vərəqələr: Aleksandr Kerjakov, 67. Yuri Jirkov, 90 (hər ikisi Rusiya)
İlk oyun – 1:2
Ukrayna – Yunanıstan – 0:1
Dimitros Salpingidis, 31
İlk oyun – 0:0
Fransa – İrlandiya – 1:1 (əsas vaxt – 0:1)
Uilyam Qallas, 103 – Robbi Kin, 32
İlk oyun – 0:1
Bosniya və Herseqovina – Portuqaliya – 0:1
Raul Meyreleş, 56
İlk oyun – 0:1
Əlcəzair – Misir – 1:0
Anter Yəhya, 40
Uruqvay – Kosta-Rika – 1:1
Sebastyan Abreu, 70 – Valter Senteno, 74
İlk oyun – 1:0
Beləliklə, dekabrın 4-də atılacaq püşk zamanı 32 komanda bu qaydada 4 səbətə bölünəcək:
1-ci səbət: CAR, Braziliya, İspaniya, İtaliya, Almaniya, Argentina, İngiltərə, Fransa.
2-ci səbət: Hollandiya, Portuqaliya, Sloveniya, İsveçrə, Yunanıstan, Serbiya, Danimarka, Slovakiya.
3-cü səbət: Fildişi Sahili, Qana, Kamerun, Nigeriya, Əlcəzair, Paraqvay, Çili, Uruqvay.
4-cü səbət: Yaponiya, Cənubi Koreya, KXDR, Avstraliya, Yeni Zelandiya, ABŞ, Mekshika, Honduras.
Bunlardan Avropanı 13 (Danimarka, İsveçrə, Slovakiya, Almaniya, İspaniya, İngiltərə, Serbiya, İtaliya, Hollandiya, Sloveniya, Yunanıstan, Fransa, Portuqaliya), Afrikanı 6 (CAR, Qana, Fildişi Sahili, Nigeriya, Kamerun, Əlcəzair), Cənubi Amerikanı 5 (Braziliya, Paraqvay, Çili, Argentina, Uruqvay), Asiyanı 3 (Yaponiya, Cənubi Koreya, KXDR), Şimali və Mərkəzi Amerikanı 3 (ABŞ, Mekshika, Honduras), Avstraliya və Okeaniyanı isə 2 (Avstraliya, Yeni Zelandiya) ölkə təmsil edir.
 Təşəkkür edənlər: (24) Mr_Bakinski, FATEH_0, Massimo, Moren, A-N-G-E-L, _lady_bdu_, zaur16, Lunam, xaliq11, Dost_adam, rena94, break, UltrAslan, _Barbi_, M_A_R_I_K, Р Влегант, Nomre1, Just_Dance, Mercedes868, kissed_a_girl, E.C.N, TARKANFAN, Dr.Web, dayver |
Ana səhifə
